Një djalë 16-vjeçar ka ndërruar jetë në festivalin e Leeds. Mediat britanike shkruajnë se policia dyshon se ai mund të kishte marrë një tabletë ekstazi të shtunën mbrëma, gjë që mund t’i ketë shkaktuar vdekjen.
Policia e West Yorkshire ka nisur një hetim pas vdekjes së dyshuar të adoleshentit për shkak të drogës.
Oficerët u thirrën rreth orës 10.16 të së shtunës mbrëma dhe u informuan se djali ishte dërguar në spital pasi ishte ndjerë. Por, i vogli vdiq tragjikisht të dielën.
Ndihmës shefi i policit Catherine Hankinson i Policisë së West Yorkshire, tha: Mendimet tona janë me familjen e djalit që ka vdekur dhe ne kemi oficerë që i mbështesin ata në këtë kohë shumë të vështirë. Ndërsa shkaku i saktë i vdekjes së tij ende nuk është përcaktuar, një linjë hetimi është se ai kishte marrë një lloj të veçantë tabletash ekstazi (MDMA).
“Përdoruesit e çdo bari që nuk është i përshkruar në mënyrë profesionale nuk mund të jenë kurrë të sigurt për përmbajtjen e tyre dhe rreziqet që lidhen me marrjen e substancës. Kushdo që ndihet i sëmurë pas marrjes së ndonjë substance duhet të kërkojë kujdes urgjent mjekësor. Ne po vazhdojmë të kryejmë hetime në vend dhe po lidhemi ngushtë me organizatorët e ngjarjes,”- shtoi ai.
Policia bëri një apel në rrjetet sociale duke kërkuar që kushdo që ka informacion të lidhur me vdekjen të dalë. Festivali i Leeds, i cili ka vazhduar këtë vit nga 25 deri më 28 gusht është zhvilluar çdo verë që nga viti 1999.
Discussion about this post