Fenomeni i ngacmimit, sulmit apo dhunës seksuale ndaj grave në Kosovë kohët e fundit është përhapur masivisht. Pothuajse çdo ditë raportohen raste të tilla. Një rast tronditës dyshohet se ka ndodhur së fundi edhe në komunën e Skenderajt.
Viktimë në këtë rast është një grua e moshuar nga fshati Klinë e Epërme. Dyshohet se ajo u dhunua seksualisht nga një person i panjohur.
Lexo edhe: Frikë për trazira, trupat ndërkombëtare “zbarkojnë” në veri të Kosovës
Rastin në Polici e ka denoncuar një i afërm i 72-vjeçares. Ai ka njoftuar se rasti i rëndë dyshohet të ketë ndodhur në fillim të këtij muaji.
E moshuara është intervistuar nga hetuesit policorë, ku para tyre ka rrëfyer në detaje gjithë ngjarjen e tmerrshme me të cilën u përball, e të cilën dyshohet se ia shkaktoi një i ri i moshës rreth 25-vjeç.
Ajo është dërguar për ekzaminime mjekësore në Institutin e Mjekësisë Ligjore.
Discussion about this post