E rëndë në Kosovë, burri vret gruan e tij me armë zjarri, arrestohet

Një ngjarje e rëndë ka ndodhur sot në fshati Llaushë Skenderaj, të Kosovës, ku një person ka vrarë me armë gruan e tij.

Policia lokale bën me dije se personi i dyshuar ka shtënë me armë zjarri  në drejtim të viktimës (gruas së tij) L.Q., 48 vjeçare, e cila kishte pësuar lëndime të rënda, të njëjtën me urgjencë e kanë dërguar në spitalin rajonal në Mitrovicë.

Me gjithë përpjekjet e mjekëve në spital, autoritetet spitalore më pas kanë raportuar se viktima si pasojë e plagëve kishte vdekur.

Lidhur me veprën penale është arrestuar një person i dyshuar, nga i njëjti është sekuestruar një armë e llojit Pistoletë me tre fishek, ndërsa në vendin e ngjarjes janë sekuestruar gjashtë (6) gëzhoja.

Pas intervistimit të dyshuarit S.Q,.51 vjeçar, i është caktuar masa e ndalimit policor.