E rëndë, 17-vjeçari vdes në aksident në Tiranë

Policia në Tiranë njofton se një 17-vjeçar, duke ecur me makinë në Baldushk, është përplasur me bordurën e rrugës.

Për pasojë, adoleshenti mësohet se ka ndërruar jetë.

“Tiranë/Informacion paraprak

Më datë 22.05.2023, rreth orës 22:30, në Baldushk, shtetasi Sh. V., 17 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga dhe është përplasur me bordurën anësore.

Si pasojë e aksidentit drejtuesi i automjetit, shtetasi Sh. V., ka ndërruar jetë.

Grupi hetimor po punon për sqarimin e rrethanave të aksidentit”, njofton policia.