Tension pritej edhe ashtu ndodhi. Ultrasit e Eintracht premtuan telashe në Napoli dhe, si një orë zvicerane, ishin të përpiktë në misionin e tyre. Incidentet e tyre me policinë e Napolit, u bënë tema kryesore e prag ndeshjes mes Napolit dhe Eintracht Frankfurt.
Për të mbrojtur nderin e qytetit, në shesh betejë (nëse mundemi ta cilësojmë kështu)m zbritën edhe tifozët e zjarrtë të skuadrës kryesuese të Serisë A. Mes përdorimit fishekzjarrëve, shkopinjve të bejzbollit edhe deri të ndonjë arme të ftohtë, Napoli, filloi të dukej si Kabuli (me gjithë respektin për kryeqytetin afgan). Normalisht, autoritetet, nuk kanë mbetur, duarkryq.
Shtatë tifozë napolitanë janë arrestuar gjatë natës për përplasjet me forcat e policisë të ndodhura dje para dhe pas ndeshjes së Ligës së Kampionëve mes Napolit dhe Eintracht.
Sipas asaj që mësohet, numri i ndalimeve mund të rritet në orët në vijim.
Katër të arrestuar, mes tyre një në flagrancë, u njoftuan për përleshjet e ndodhura mbrëmjen e djeshme në breg të detit të qytetit, pranë hotelit ku qëndronin ultrasit gjermanë.
Tre të tjerë, të shtyrë, u njoftuan për përleshjet që ndodhën pasdite në Piazza del Gesù.
Besojmë se, herën tjetër, UEFA dhe autoritetet e shteteve të ndryshme europiane, do mendohen mirë para se të lejojnë që tifozë ultras (jo vetëm të Eintracht) të udhëtojnë nëpër transferta gjatë kupave të Europës.
Discussion about this post