Pas Elbasanit, ne radhë rikthehet Vlora e më pas Lushnja. Duket qe ora policore nuk konsiderohet me e tillë dhe Komiteti i Famshëm Teknik per Pandemine duhet të shohë orën policore per të kufizuar orën kriminale. Duket që që skuadrës së Ard Veliut i ka dalë vendi dhe siguria jashtë kontrollit. Parandalimi i vrasjeve ka arritur në pikën zero. Cdo mëngjes gdhin me një spot të kryeministrit Rama që të uron ditën, teksa në mbremje ngulesh të titrat e TV informative për të mësuar emrat e kufomave të radhës. Kjo është Shqipëria e plagosur pas zgjedhjeve, dhe nën diktatin e vrasjeve që për fatin e keq po shtohen me ritëm të frikshëm duke mbyllur hesape të vjetra, ato qe drejtësia i ka lënë nder vite pezull apo mbyllur në këmbim të shumës së pastër.
Vlora rikthen sërish frikën. Dhe shkarkimi i karikatorit vjen në katin e 5-të, teksa policia është ne lungomare të peshkojë ndonjë fakir. Pas Vlorës, Lushnja, më parë Shkodra e Elbasani.
O Veli! Ku është policia e shtetit?
Duket se formati i kallashit AK-47 eshtë fare qartë “pandemia” e vertete qe po merr jetet e shqiptareve. Kjo “kolere” po merr jetet e të rinjve, jo jetet e të semureve apo te moshuareve…
Dhe nuk luftohet as duke pritur vaksinat në Rinas dhe as duke mallkuar me “kokat hengshin”…
Komandant, si shume me “vrull” ka nisur ky mandati i trete???!!!!
Ndale pak hapin, se nuk po i hyn tmerri vetem popullit, por edhe AK-47 vet per rendimentin e larte te vdekshmerise!
Ard Veliu mbetet ne qendër të ciklonit dhe me të gjitha gjasat njeriu që konsiderohet si arma e fundit e kryeministrit për kurban, nëse do ti mbarojne të tëra hapësirat per ta amnistuar. Policia e shtetit eshtë në fazen e konstatimit, pasi ajo e parandalimit ka vdekur me kohë. Vaksinat vërtetë e ndoshta buzëqeshin për Shqiperinë, por virusi i kallashit mbetet një pandemi për tokën shqiptare që mesa duket do shoqerojë të nxehtin e verës që ka hyrë.
Kryeministri nuk e ka dhene ende bërdafin e tij për shkundjen letargjike të uniformave blu që tashmë janë në disavantazh të plotë me krimin, Vrasjet, karikatorët e kufomat. Kjo ështe Shqipëria e dalë pas zgjedhjeve që prodhuan një hic të madh!
