Edi Rama po kërkon dhe po tenton me të gjitha mënyrat që të çojë në burg, Dritan Lelin. Pas refuzimit që nuk e gëlltiti aspak mirë, atë që Leli nuk pranoi deputetllëkun, për të lënë Bashkinë, Rama ka vënë në lëvizje mekanizmat e tij cinikë dhe shumë konkretë për të goditur, edhe nëpërmjet sistemit të drejtësisë, Dritan Lelin. Nëse gjithmonë do ti gjejë ndonjë firmë kund. Tentakulat e kryeministrit kërkojnë rrethimin e kryetarit actual që nuk iu bind urdhërit të “Çavezit” shqiptar për të lënë karriken. Një aferë duket të ketë ndodhur, teksa së fundmi u prodhua, fabrikua por edhe publikua një video e Lelit me kunatin e Lul Bashës, por që vetë Leli e hodhi poshtë. Ky ishte një sinjal. Rama e ka vënë në target të besuarin e tij, dhe po e shndërron Vlorën në një qytet që “ha” koka kryebashkiakësh. Nisi me Shpëtim Gjikën që I mbante inatin e viteve të opozitës së Ramës, kur në një tubim partie në Vlorë, ish-kryetari Gjika, pas kërkesës së Ramës për të nxjerrë popullin rrugëve dhe për të djegur e prishuar shumëçka, vetë Gjika asokohe ia preu në moment: “Unë Vlorën dhe vlonjatët nuk mund ti hedh në rrugë të digjen e të vriten për herë të dytë…!”. Rama nuk e harroi këtë kurrsesi dhe me rastin më të parë me ardhjen në pushtet e çoi deri në denigrimin e mundshëm, ish-kryebashkiakun që gjithsesi e fitoi më pas pafajësinë. Tashmë e ka radhën Leli, doktori që është në fokus të furtunës kryeministrore, aty ku një mini-aparat gjarpërinjsh po tentojnë dhe po shohin rrugën dhe skemën për të djegur, dhe çuar para drejtësisë kryetarin actual. Se për ta hequr, kollaj. Por, kur e heq drejtësia, Rama del më pulito.
