Në një rrëfim të ndjerë shkrimtari Edmond Tupja ka folur për jetën e tij më djalin autik, dhe se cili ka qenë momentin më i vështirë që ka kaluar në jetë.
Tupja tregon se një herë e ka goditur djalin dhe ai moment i ka ngelur peng në zemër
Nga lodhja dhe pagjumësia, Tupja tregoi se e qëlloi të birin pasi nuk po i linte të flinin gjumë dhe përgjigjja e të birit “të kam xhan o ba” e preku pa masë.
“Kishim netë pa gjumë, të rrish pa gjumë është e tmerrshme. Nuk të çlodhej truri. Kishim javë të tëra kështu, isha aq i drobitur saqë nuk i përkisja vetes dhe në një moment të caktuar ai fliste, grindej, unë i trullosur nga pagjumësia, pashë një dorë që u çua dhe goditi tim bir, ishte dora ime. Isha i pavetëdijshëm se çfarë bëja dhe dëgjoj zërin e djalit “o më vrave o ba”. Pastaj dëgjova zërin tim “mirë ta bëra” dhe pastaj dëgjova tim bir që u çarmatosa komplet “të kam xhan o ba”,tha ai.
Kjo “të kam xhan o ba”, kjo mua më ndryshoi. Më këputi shpirtin, por më ndryshoi. Që atëherë e mblodha veten. Ata të japin dashuri. Kur e ëma i gatuan diçka që e ka qejf ai shkon pa u ndjerë nga mbrapa e puth në kurriz, “mami të kam xhan, babi të kam xhan, të kam këtu tek zemra”, theksoi shkrimtari.
Discussion about this post