Ka përfunduar në barazim një me një, dueli mes skuadrave të Egnatias dhe Laçi, i vlefshëm për javën e 30-të të Kampionatit Shqiptar të Futbollit.
Pjesa e parë përfundoi me rrjeta të paprekura. E vetmja gjë që ra në sy në fraksionin e parë të lojës, ishte kartoni i kuq i marrë nga Zejnulai, pas 29 minutash lojë.
Të dy golat e këtij takimi, të luajtur në stadiumin e Partizanit, për arsye të dënimit të fushës së klubit rrogozhinas, u shënuan në 45 minutat e dyta. Në fillim ishin kurbinasit që kaluan në avantazh me anë të Guindo (51’).
Megjithatë, Egnatia nuk u dorëzua duke barazuar rezultatin me anë të Laurentino në minutën e 62-të.
Me këtë barazim, skuadrat fitojnë nga një pikë, duke bërë që Egnatia dhe Laçi të shkojnë respektivisht në kuotat e 43 dhe 40 pikëve, në renditje. /m.b. /gijotina.com
Discussion about this post