Tjetër situatë frike dhe tmerri. Turizmi shqiptar gjendet në darrën e frikshme të krimit, dhe reflektohet në ambjentet ku shqiptarët duan të pushojnë. Vetëm pak minuta më parë janë dëgjuar të shtëna të pafundme pistolete në Drimdhas Inn, një nga resorted ku shpesh frekuentohet nga kasta oligarke. Policia e shtetit është e gjunjëzuar totalisht karshi kësaj që po ndodh me rendin. Ard Veliu ka dalë tërësisht nga busulla e tij drejtuese, dhe nuk ka më asnjë mekanizëm parandalues, dhe është shndërruar në një inventarizues kufomash. Shqëpëria gdhin cdo ditë e më shumë fatkeqësisht me raste që mbjellin frikë, shtojnë stresin dhe ngjizin tmerrin te shqiptarët. Historia përsëritet, madje frikshmërisht. Vetëm e para pak minutave vjen nga Dhërmiu, aty ku krimi ka kërkuar të “sistemojë” një tjetër shënjestër. Ku është policia e shtetit? Te ambulantët që kanë dalë për të siguruar koren e bukës. Shteti ka rënë, policia është në gjunjë me krimin, dhe nën darrën e plotë të atentateve.
