Gijotina.com ka zbuluar emrat e ministrave të rinj që po diskutohen për të qenë pjesë e kabinetit qeveritar në mandatin e tretë të socialistëve në pushtet. Emrat e rinj, por edhe ministra të cilët nuk do të rikonfirmohen në detyrë nga kryeministri Rama. Bien në sy emra të rinj, personazhe të cilët janë parë të jenë krahu i djathtë i kryebashkiakut Erjon Veliaj si Arbjan Mazniku, apo Toni Gogu.
Nga ana tjetër nuk janë pjesë e kabinetit Arben Ahmetaj, i cili u rikthye në kabinet pas tërmetit të 26 nëntorit 2019, në postin e Ministrit të Shtetit për Rindërtim, por që ende është në diskutim emri i tij. Një mundësi mbetet ndarja e Ministrisë së Financave nga Ekonomia, ku drejtimin e njërit prej këtyre dikastereve mund ta marrë Ahmetaj. Po ashtu, ai mund të mbajë dhe funksionin e zëvendëskryeministrit. Megjithatë, aktualisht emri i tij nuk ndodhet në listën që po qarkullon brenda Partisë Socialiste, ndërsa vetë Kryeministri Rama ka preferuar mos të bëjë publikë emrat zyrtarë deri në orën 10 të datës 2 shtator.
Në qeveri do të jetë edhe vajza e Bashkim Finos, Megi Fino. Në listë janë edhe emra të rinj, që nga zëvendës kryeministrja, e cila pritet të jetë Edona Bilali.
Balluku, Spiropali, Manastirliu dhe Xhaçka do të jenë pjesë e kabinetit drejtues.
Kabineti “Rama 3”
Edi Rama, Kryeministër
Edona Bilali, zv kryeministre
Olta Xhaçka – Ministër për Evropën dhe Punët e jashtme
Toni Gogu, Ministër i Brendshëm
Blerina Gjylameti, Ministër i Financave dhe Ekonomisë
Etilda Gjonaj, Ministre e Drejtësisë
Ogerta Manastirliu, ministër i shëndetësisë dhe mbrojtjes sociale
Belinda Balluku, ministër i infrastrukturës dhe energjisë
Arbjan Mazniku, ministër i Arsimit Sportit dhe Rinisë
Romina Kuko, ministër i Mbrojtjes
Petrit Malaj, ministër Kulture
Antoneta Dhima, ministre e bujqësisë dhe zhvillimit rural
Frida Krifca, Ministre e Turizmit dhe Mjedisit
Bledi Çuçi, ministër shteti për rindërtim
Megi Fino, ministre e shtetit për Diasporën
Bora Muzhaqi, ministër i shtetit për mbrojtjen e sipermarrjes
Elisa Spiropali, ministër i shtetit për marrëdhënien me parlamentin
Me këtë projeksion ikin nga kabineti qeveritar:
Elva Margariti, Ministër i Kulturës
Anila Denaj, ministre e financave
Erion Braçe, Zëvendëskryeministër
Niko Peleshi, Ministër i Mbrojtjes
Evis Kushi, Ministër i Arsimit, Sportit dhe Rinisë
Milva Ekonomi, Ministër i Bujqësisë dhe Zhvillimit Rural
Pandeli Majko, Ministër i Shtetit për Diasporën
Eduard Shalsi, Ministër Shteti për Mbrojtjen e Sipërmarrjes
