Nuk ka ende asnjë autor të dyshuar për vrasjen e 19- vjeçarit Erjon Xhenja mbrëmjen e djeshme në Shkodër. Policia ka shoqëruar në polici të afërm dhe banorë të zonës për t’i marrë në pyetje lidhur me lëvizjet e fundit të viktimës para se të ekzekutohej.
Referuar nga kamerat e sigurisë 19- vjeçari ka qenë në ambientet e një lokali kur është qëlluar me breshëri nga dy persona që kaluan pranë lokalit me një motoçikletë. Njëri prej tyre zbret e i afrohet në një distancë rreth 1 metër duke e qëlluar disa herë me pistoletë.
Nga hetimet e deri tanishme, dyshohet se vrasja ka ndodhur për shkak të konflikteve mes grupeve kriminale dhe dyshimet janë se 19- vjeçari mund të ketë qenë pjesë e njërit prej grupeve të njohura si grupet e lagjes Kiras.
Po ashtu nga dëshmitë e marra grupi hetimor nuk është arritur te sigurohen prova te mjaftueshme për identifikim i autorëve të ngjarjes. Pak minuta pas ngjarjes është njoftuar se në lagjen ” Guerrile” të Shkodrës rreth 500 metra larg vendit te ngjarjes, në një rrugicë është gjetur duke u djegur edhe motoçikleta dhe arma e zjarrit pistoletë që dyshohet se është përdorur nga autorët më vrasje.
Nga sa mësohet 19-vjeçari ka qenë shok me Asmer Bilalin, ndërsa ne raste të ndryshme ka kryer edhe mirëmbajtjen e stallave dhe kuajve të këtij të fundit. Policia po heton edhe në lidhje me vrasjen e Ismet Çekorja e ndodhur në lagjen Kiras dhe lidhjet që viktima mund të ketë pasur me vrasjen. Ndërsa burime nga grupi hetimor bëjnë me dije se kjo vrasje është në vazhdën e zhinxhirit të vrasjeve mes grupeve kriminale në Shkodër.
Discussion about this post