Njollat e gjakut në Babicë të Vlorës aty ku atentati mafioz i mori jetën të riut Xhuljano Bullari nuk mund të fshijnë dot dhimbjen e familjarëve të cilët lajmin e kobshëm për humbjen e djalit të tyre e kanë marrë vesh në mënyrë të papritur. Familja Bullari sot ka hapur dyert e mortit ndërsa nuk kanë pranuar të flasin për mediat. Mëoshet se 25- vjeçari do të përcillet në banesën e fundit në Tufinë, në orën 15:00 të kësaj të Diele. Xhamat e makinës kë është ekzekutuar rreth orës 21:00 të të premtes i riu, janë gjetur të hapur.
Sakaq burime bëjnë me dije se njëri nga të afërmit ka deklaruar se Xhuljano nuk kishte konflikte me askënd dhe se makina me të cilën ai ishte duke udhëtuar ku më pas u ekzekutua I përket nuses së dajës së tij.
“Nuk kishte asnjë konflikt me askënd. Makina brenda të cilës u gjet është e nuses dajës së tij. Familja nuk ka pasur dijeni për vendndodhjen. Ka marrë një telefonatë nga policia për të bërë identifikimin e një personi që ishte qëlluar në Vlorë“.
Grupet hetimore së fundmi në sitën e provave për këtë ngjarje të rëndë kanë shtuar edhe dyshimin e se i riu mund të ketë qenë i shoqëruar nga persona të tjerë, dhe se sipas ekspertëve të hetimit, ai mund të jetë qëlluar nga pasagjeri.
Ndërkohë mungesa e kamerave dhe ekzekutimi i të riut në një terren të pabanuar i shton akoma më shumë dyshimet se kemi të bëjmë me një atentat të mirëorganizuar. Autorët nuk dihet ende se sa kanë qenë ndërsa, por nga të dhënat e siguruar deri më tani nga grupet hetimore dyshohet të kenë qenë më shumë se një, duke e cilësuar këtë atentat të kategorisë “Mafioze”.
Hetimet gjithashtu do të shtrihen edhe tek konfliktet e mundhsme që i riu mund të ketë patur së fundmi.
