Lufta në Ukrainë ka nisur që prej më shumë se gjashtë muajsh. Ndërkohë miliarderi Elon Musk duket se ka gjetur një zgjidhje për konfliktin. Bëhet fjalë për një plan me 4 pika, për të cilin i kërkoi dhe ndjekësve në Twitter që të votojnë. Plani përbëhet nga katër pika, por përshtatet në 280 karakteret e një postimi në Twitter. Fillimisht, Elon Musk propozon që zgjedhjet të mbahen sërish në territoret e aneksuara nga Rusia. Megjithatë, forcat e Moskës duhet të tërhiqen nëse “ky është vullneti i popullit”.
Krimea, megjithatë, do të bëhet pjesë e Rusisë “siç ishte që nga viti 1783 (deri në gabimin e bërë nga Hrushovi)”. Pika e tretë thotë se duhet të sigurohet furnizimi me ujë i Krimesë dhe së fundi, në pikën e katërt, Ukraina duhet të qëndrojë neutrale .
A jeni dakord apo jo, pyet Musk ndjekësit e tij, duke ngritur një sondazh të vogël në Twitter.
Musk vlerëson se “ka shumë gjasa që ky të jetë përfundimisht rezultati i luftës” dhe shton se pyetja është “se sa do të vdesin deri atëherë”.
Dhe në një postim të tretë, Musk e konsideron rezultatin më pak të mundshëm të konfliktit ruso-ukrainas si luftë bërthamore.
Ukraine-Russia Peace:
– Redo elections of annexed regions under UN supervision. Russia leaves if that is will of the people.
– Crimea formally part of Russia, as it has been since 1783 (until Khrushchev’s mistake).
– Water supply to Crimea assured.
– Ukraine remains neutral.
— Elon Musk (@elonmusk) October 3, 2022
Discussion about this post