Emërimi i Ballës, Vasili: Miku i Rrajave u bë ministër i Brendshëm

Pas emërimit të Taulant Ballës si Ministër i Brendshëm, pas shkarkimit të Bledi Çuçit ka reaguar edhe nënkryetari i Partisë së Lirisë, Petrit Vasili.

Ragimi:

Miku i Rrajave Taulant Balla u bë ministër i Brendshëm

Lënia e mandatit të Rrahman Rrajës është lojë e ndyrë e Edi Ramës për sa kohë që Ministër vendoset miku i tyre.

Taulant Balla ishte zhytur kokë e këmbë katër vjet më parë në çështjen e Rrajave.

Oficeri i policisë Emiljano Nuhu, që e denoncoi Ballën u kërcënua egërsisht nga Edi Rama dhe e detyrua të largohej nga Shqipëria dhe të merrej në mbrojtje nga ndërkombëtarët.

Kryeministri Rama e kërcënoi oficerin e policisë Nuhu dhe tha se: “nuk d’o t’i ndahet këmba këmbës atij horri”.

Opozita e ka kallëzuar në prokurori Edi Ramën për kërcënimin e Emiljano Nuhut.