Dalin të tjera detaje nga vrasja e 26-vjeçarit, Martin Çeço nga fshati Kolanec i Maliqit dhe më pas hedhja e tij në rezervuar. Mësohet se motivi i krimit të rëndë ka qenë sherri për një vajzë. Ndërkaq, blutë e Korçës kanë vënë në pranga tre persona që janë autorët e krimit. Bëhet me dije se janë ndaluar shtetasit Bleti Angjo, Valter Mollaj dhe Edlir Mollaj. Mes tyre dhe viktimës dyshohet të ketë pasur grindje për shkak të një femre.
Autorët mësohet se e kanë mbytur të riun dhe kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit.
“Shërbimet e Policisë, pasi kanë nxjerrë nga rezervuari trupin e pajetë të 26-vjeçarit Martin Çeço, kanë krijuar dyshime se bëhej fjalë për një ngjarje kriminale, duke qenë se gjatë këqyrjes, në trupin e 26-vjeçarit, janë konstatuar shenja në pjesën e fytit.
Falë punës profesionale hetimore, provave dhe informacioneve të grumbulluara nga grupi hetimor, u dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën Martin Çeço, në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit”, tha policia.
Discussion about this post