Një aksident me pasojë vdekjen e një personi dhe plagosjen e tre të tjerëve ka ndodhur pasditen e së premtes pranë fshatit Shën Vasil, në Himarë.
Renato Bushi është 40-vjeçari që humbi jetën, pasi automjeti që drejtonte ka dalë nga rruga.
Mes të plagosurve është shtetasi anglez, Eduart Holand 31 vjeç, i cili ka marrë fraktura dhe ndodhet jashtë rrezikut për jetën.
Ndërkohë i dëmtuar ka mbetur dhe 26-vjeçari nga Gramshi që jeton në Itali, Kevin Rama, së bashku me bashkëshorten e tij Marika Zogari.
Sipas raportimeve, automjeti i përkiste një agjensie turistike, ndërsa dy pasagjerët ishin turistë të huaj.
Mësohet se automjeti ka dalë nga rruga dhe ka rënë në një rrëpirë rreth 40 metra poshtë, çka i ka shkatuar dëmtime të rënda 40-vjeçarit Bushi, i cili ka humbur jetën menjëherë.
Discussion about this post