Kreu i ri i OSHEE, Enea Karakaçi, po ndjek hapat e paraardhësit të tij sa iu përket menaxhimit të fondeve dhe zhvillimit të prokurimeve publike. Enea Karakaçi zhvillon shpesh tenderë dhe mbi të gjitha e lëshon dorën kur vjen fjala tek fondi limit duke kënaqur kompanitë e paracaktuara.
Aferën e radhës ai ka nisur që në fund të dhjetorit 2023 dhe kontratën e ka fimsour më datë 29 mars 2024. Bëhet fjalë për prokurimin me objekt ‘CyberRecovery (Rinovimi i infrastrukturës se datacenter per pajisjet “end of life” ne business continuity’ me fond limit 2 milionë euro. Shpenzime marramendëse për konfirmimin e lidhjeve, për mirëmbajtjen e infrastrukturës.
Në dokumentet e publikuara shihet që për këtë tender janë paraqitur vetëm dy oferta, të cilat do të ishin mjaftueshëm për të zhvilluar një garë. Por, sic është bërë metodë shpërdorimi, Karakaçi e ka eliminuar konkurrencën.
Administratori ka skualifkuar ofertën e “OVLA Systems” shpk me argumentin se nuk ka paraqitur sigurimin e ofertës. Kështu më datë 23 janar 2024, kur u mbajt tenderi, mbeti në garë vetëm oferta e paraqitur nga bashkimi i operatorëve “Atom” shpk & “ALBITAL – CANON” shpk & “Axians Albania” shpk, të cilit kishin ofertën me vlerë 1.8 milionë euro. Por në këtë pikë që ishte gara, kreu i OSHEE duhej ta anulonte që të merrte oferta konkurruese të përshtatshme.
Këtu Karakaçi ka injoruar sërish ligjin dhe me datë 13 shkurt 2024, është shpallur fituese kompania që dyshohet të jetë e paracaktuar nga organizatorët e tenderit. Gjithsesi nuk është lidhur menjëherë kontrata.
Kontrata është bërë publike pas më shumë se 2 muajsh. Konkretisht më datë 29 mars 2023, OSHEE dhe Agjencia e Prokurimeve kanë publikuar marrëveshjen.
Biznesmenët e korruptuar
Nuk është vetëm “flamuri i kuq” që na bën të dyshojmë se tenderi është me fitues të paracaktuar. Bashkëpunëtorët e Karakaçit në këtë tender nuk e lënë veten në dorë të rastësisë dhe dhe konkurrencës së ndershme.
“Axians Albania” shpk është firma e quajtur dikur “S & T ALBANIA” me administrator Kleanthi Priftin. Subjekti ka përfituar shumë fonde pa garë nga bashkitë dhe institucionet e tjera publike, por bënë më shumë bujë bënë aferat që thurte me ish-drejtorin e RTSH, Thoma Gëllçin që përfundoi pas hekurave për korrupsion me tenderat.
Kjo kompani ka marrë disa tendera nga ish-drejtori i RTSH, por do të theksojmë këtu një nga kontratat që bëri bujë në media dhe hodhi dyshime për aferat korruptive të Gëllçit. Bëhet fjalë për një tender të zhvilluar gjatë vitit 2020, kur vendi ishte në krizë të thellë dhe nën kthetrat e pandemisë COVID 19. Ndonëse gjatë asaj kohe RTSH mori shumë fonde me pretekstin se po iu jepte programet mësimore nxënësve, Gëllçi nuk u kënaq dhe vazhdonte nga ana tjetër me tendera të manipuluar.
Bëhet fjalë për tenderin me numër reference REF-56384-17-04-202, përmes të cilit “S & T ALBANIA” ka “gllabëruar” 400 milionë lekë nga xhepat e taksapaguesve shqiptarë. Gëllçi ka dhënë këtë shumë parash për të vendosur programe në Arkivin e RTSH, që në të vërtet nuk funksionon asnjëherë. Sikur e cekëm më lartë, ky tender ishte pjesë e hetimeve për të zbuluar aferat e Gëllçit.
Ndërsa firma “ALBITAL – CANON” është në administrimin e Mikel Llazos, djali i Artur Llazos, i cili gjithashtu zotëron firmën “Llazo” shpk. Firma përmes të cilës familja Llazo është pasuruar duke vjelur taksat e qytetarëve. Kjo kompani ka fituar pa fund tendera nga bashkitë Lushnjë, Durrës, Rrogozhinë, Divjakë, Fier edhe Elbasan. Por sidomos kjo kompani është ushqyer nga Dritan Agolli i FSHZH që i jepte tenderat me ofertën më të shtrenjtë kësaj kompanie.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post