Mjeku Ilir Alimehmeti ka publikuar një njoftim ku tregon se sa zgjat imuniteti i një personi që e ka kaluar njëherë koronavirusin. Në këtë studim të zhvilluar nga institucionet ndërkombëtar tregon se një person që ka kaluar njëherë covidin ka imunitet të plotë deri në 277 ditë, por edhe nëse infektohet ai e kalon sëmundjen për herë të dytë pa simptoma ose në gjendje të lehtë fare.
Madje tregohet se imuniteti natyror është 100 efektiv ndaj gjendjes së intubuar dhe ndaj shanseve për të vdekje nga covid. Madje theksohet se pacient, i cili ka kaluar më parë covidin ka vetëm 1% rrezik që ta kalojë po në atë gjendje për herë të dytë.
“Koha mediane e reinfektimit rezultoi 277 ditë. Por janë rezultatet klinike ato që na interesojnë më së shumti se sa thjesht pozitiviteti në tampon. Rezultatet klinike janë shumë optimiste dhe krejtësisht të pritshme! 88% efektiviteti i imunitetit natyror kundër shtrimit në spital. 100% efektiviteti i imuniteti natyror kundër formave kritike (terapi intensive) 100% efektiviteti i imunitetit natyror kundër vdekjes. Në krahasim me një person të painfektuar më parë, një person i infektuar më parë ka vetëm 1% risk që të vuajë një reinfektim të formës së rëndë”, përcakton studimi. Sakaq, mjeku thekson se këtë dimër nuk do të ketë më valë të nxehtë sikur ndodhi në dhjetorin e viti 2020, pasi pjesa më e madhe e popullsisë kanë fituar imunitet natyror.
Discussion about this post