Ministrja Elisa Spiropali i doli në mbrojtje ministres Delina Ibrahimajt, e cila u akuzua nga opozita se ka lidhje me oligarkët dhe sipas Jorida Tabakut “erdhi nga rruga në Kuvend”.
Spiropali u shpreh se kolegia e saj ka një arsim të lartë, ndërsa në fund paralajmëroi çdo deputet që të mos flasë në momentin që një ministër merr fjalën.
“Nuk e di se kur u prekën kaq shumë për opozita e vulës. Dje pamë një skenë të shëmtuar, të mos lini një ministre të flasë nga vendi, zonja Tabaku për fat të keq shkoi dhe më larg, shumë më larg. Ministrja e Financave ka ardhur nga studimet e saj, nga një doktoratorë, me nderin më të lartë, ka punuar me vite në institucionet e larta dhe sot është ministre e Financave. Sot lëshohen akuza dhe baltë që nuk kanë lidhje me të vërtetën, sa herë që një ministër flet këtu të mos guxojë asnjë deputet asnjë grup deputetësh t’i pengojnë që të thonë të vërtetën”, tha Spiropali.
Discussion about this post