Pas eliminimit të tre skuadrave italiane në Ligën e Kampioneve, Roma nuk zhgënjeu në Europa League. Verdhekuqtë siguruan kualifikimin për në fazën e 1/16-ve.
Triumfi 3-2 në sfidën e kthimit ndaj Porto-s, i mundësi kalimin më tej skuadrës së drejtuar nga Ranieri, pas ndeshjes së parë në Portugali, të mbyllur në barazim 1-1.
Në “Olimpico”, miqtë e nisën ndeshjen shumë mirë, duke kaluar të parët në avantazh me Samu në minutën e 27-të.
Megjithatë, dopieta e shënuar nga Paulo Dybala në minutat 35 dhe 39, kaloi avantazhin te italianët. Golin e tretë për vendasit e shënoi Pisilli në minutën e 83-të.
AZ Alkmaar u kualifikua gjithashtu më tej, pas barazimit 2-2 në Turqi ndaj Galatasaray. Holandezët kishin fituar ndeshjen e parë në shtëpi me rezultatin 4-1.
Rumunët e Steaua Bucurest eliminuan skuadrën greke të PAOK, me rezultatin e përgjithshëm 4-1. Bodo/Glimt-Twente shkoi në shtesa, pas dy golave të shënuar në fund.
Discussion about this post