Është hedhur ditën e premte shorti i UEFA Europa League për fazëen e 1/8. Goglat në Nion Të Zvicrës kanë nxjerrë çifte me të vërtetë interesante. Rekordmenët italianë të Juventusit, pasi kaluan francezët e Nantes, do të përballen me gjermanët e Freiburg.
Skuadra e vëndit organizator të finales, Ferencvaros i Budapestit, do të masë forcat me Bayer Leverkusen, që u kualifikua falë penalltive ndaj Monacos.
6-herë triumfuesit e turneut, Sevilla duhet të përballen me një kundërshtar familjar për ta si Fenerbahce, një sfidë që na kujton, ndeshjen e 1/8 të Champions League 2007-2008, ku ishin turqit ata që surprizuan andaluzët duke i eliminuar në atë kohë nga turneu.
Unioni i Berlinit do të përballet me belgët e Union SG, një përsëritje e ndeshjeve në grupe mes dy skuadrave të cilat fituan ndaj njëra tjetrës respektivisht në transfertë me rezultatin 1 me 0.
Manchester United udhëton përsëri në Spanjë, këtë herë për tu ndeshur me Real Betis ndërsa kryesuesit e Premier League, Arsenal do të masin forcat me portugezët e Sportingut të Lisbonës.
Kampionët dhe nënkampionët e UEFA Europa Conference League, Roma dhe Feyenoord, do të kenë sfida të ekuilibruara në letër, respektivisht, përballë Real Sociedad dhe Shaktar Donetsk.
Discussion about this post