Nuk është një magazinë, por një shtëpi në kryeqytet ku jetojnë 7 persona anëtarët e së cilës jetojnë si në Mesjetë.
Në këtë shtëpi në Babrru pothuajse gjithçka mungon, ndërsa pjesëtarët e saj ngrysen në jo pak raste të paushqyer.
“Të mbaruar. Njësoj jemi, nuk ka dallim racial.”
Të ardhur nga fshatrat e Burrelit që në vitin 1995 jetesa në kryeqytet nuk ishte ashtu siç e kishin menduar.
Mes dhimbjes që e ka kapluar, Përparim selita 60 vjeç tregon se të ardhurat i siguron nga mbledhja e kanaçeve nëpër kazanët e plehrave.
U përfshi në një sherr mes të rinjve dhe nxori armën e shërbimit, procedohet polici në Korçë. Një 23-vjeçar përfundon te Trauma
“As ndihmë, as pension, vetëm çfarë punojmë. Jetoj me mbeturina, kanaçe.”
60 vjeçari thotë se është interesuar për të marrë ndihmë financiare por e kotë .
“Jam munduar për një asistencë, 2 vjet në shtet e në qeveri nuk ma dhanë.”
Mes sëmundjeve dhe 1000 halleve të tjera ai kërkon ndihmë nga shteti e shpreson që nëpërmjet medies dikush do ta shohë e do t’i kthejë sytë nga ai.
“Shteti duhet ta shohë popullin dhe fukarenjtë. Kam nevojë për një asistencë ose një pension.”
