Talenti i Borussia Dortmund, Jude Bellingham është gjobitur nga Federata Gjermane e Futbollit (DFB) për shkak të deklaratave të tij pas ndeshjes me Bayern Munich. Bellingham deklaroi pas ndeshjes se arbirti e kishte vendosur më parë rezultatin dhe institucioni gjerman i futbollit nuk e ka pritur aspak mirë këtë gjë.
“Ju i jepni një arbitri, që ka fiksuar ndeshje më parë, ndeshjen më të madhe në Gjermani dhe çfarë prisni pastaj?”, kishte thënë anglezi pas derbit.
“Për mua nuk është penallti. Hummels as nuk po e shikon topin dhe po lufton për të, kur e godet. Mund të shikoni më shumë vendime gjatë lojës”, vazhdoi më tej mesfushori.
Gjoba ndaj anglezit është 45 mijë dollarë dhe të tjera mësohet se ekipi gjerman nuk do ta apelojë vendimin. Ndërkohë, policia ka nisur një investigim dhe është në pritje të vendimit të prokurorisë së Dortmund nëse për yllin anglez do të ketë edhe një procedim penal.
Discussion about this post