Deputeti Ferdinand Xhaferri ka zbuluar ditën kur Basha do japë dorëheqjen si kryetar i PD. Me plot bindje, Xhaferri tha se Lulzim Basha do të dorëhiqet javën e ardhshme. Sipas tij, ky vendim nuk mund të shtyhet më, pasi Basha nuk ka më mbështetjen e thuajse askujt në PD, përfshirë grupit parlamentar dhe kryetarëve të degëve.
“Ka një kohezion gjithëpërfshirës nga qendra deri në bazë, përfshirë kryetarët e degëve, që Basha duhet të ikë. Ai bën lojën e tij meskine, duke thënë që jam vënë në dispozicion të zgjidhjes. Në dispozicion do të thotë të japësh menjëherë dorëheqjen. Nuk u gjend asnjeri në grupin parlamentar që të thoshte mos ik. Madje edhe vetë Basha tha do të iki. Ka një mirëkuptim njerëzor, që t’i lihet pak kohë dhe të ikë me dorëheqje”, tha ai. Ndërsa u shpreh se PD ka nevojë për reformim.
Discussion about this post