Spanja po jeton ditë historike pas triumfit në Kupën e Botës. Kampionët e rinj të botës u kthyen në Madrid mes një pritjeje spektakolare, ku sipas shifrave zyrtare rreth dy milionë tifozë pushtuan rrugët e kryeqytetit për të festuar suksesin e “La Roja”.
Një det i kuq me fanella, flamuj dhe këngë shoqëroi autobusin e ekipit kombëtar gjatë paradës festive, e cila përshkoi rrugët kryesore të Madridit.
Atmosfera kulmoi në Plaza de Cibeles, ku mijëra tifozë kishin pritur për orë të tëra mbërritjen e heronjve të tyre.
Lojtarët u pritën me ovacione të pafundme dhe një nga një u ngjitën në skenë për të përshëndetur turmën, duke ndarë me tifozët emocionet e triumfit që i dha Spanjës titullin e dytë kampion bote në histori.
Festimet në Madrid u shndërruan në një nga ngjarjet më të mëdha sportive që ka përjetuar ndonjëherë kryeqyteti spanjoll, me qytetin që u mbulua nga ngjyrat kuqezi të kombëtares.
Pas një turneu të shkëlqyer dhe fitores në finale ndaj Argjentinës, “La Roja” vazhdon të shijojë lavdinë, ndërsa tifozët festojnë një sukses që do të mbetet gjatë në kujtesën e futbollit spanjoll.
Discussion about this post