Festoi kur Putini fitoi zgjedhjet/ Kush është Giorgia Meloni, kandidatja për kryeministre në itali

Liderja e ekstremit të djathtë Giorgia Meloni gjatë një viti e gjysmë ka arritur në vendin e parë si pretendente për kryeministre në sondazhe duke goditur qeverinë e kryeministrit Mario Draghi. Si drejtuese e ‘Vëllezërit e Italisë’, e vetmja parti e madhe politike në opozitë, ajo ka kritikuar ish-shefin e Bankës Qendrore Evropiane për çdo gjë, nga përdorimi i certifikatave të COVID deri te reformat e ligjit të konkurrencës e deri te kush duhet të ketë të drejtën për të drejtuar biznese buzë plazhit.

Por përsa i përket mbështetjen ushtarake për Ukrainën ajo ka qenë shumë më mbështetëse për Draghin sesa shumë liderë në koalicionin e tij. Meloni e ka përshkruar pushtimin e Moskës si një akt të papranueshëm lufte në shkallë të gjerë nga Rusia e Putinit kundër Ukrainës dhe mbron dërgimin e armëve për qeverinë në Kiev.

“Ndërsa ka një zonë mjaft të madhe elektorale në të djathtë, kritik ndaj NATO-s dhe dashamirës ndaj pozicionit të Rusisë, [Meloni] ka zgjedhur të shikojë përpara dhe të dërgojë një mesazh të qartë. Ajo dëshiron të sinjalizojë se është një e djathtë e përgjegjshme me të cilën bota mund të bëjë biznes,”- tha Daniele Albertazzi, profesor i politikës në Universitetin e Surrey.

Sipas mediave fqinje, Meloni është kundër Putinit edhe pse në vitin 2018, ajo festoi fitoren e presidentit rus në zgjedhjet presidenciale. Si kreu i partisë më të madhe në koalicionin e krahut të djathtë të Italisë, e cila është në rrugën e duhur për të marrë rreth 45 për qind të votave, Meloni është në pozicionin e parë për të udhëhequr qeverinë e ardhshme.

Ajo e ka ngritur imazhin e saj pas mbeshtetjes së  çështjeve të rrëndësishme si emigracioni dhe të drejtat e LGBTQ+, mbështetja e saj për NATO-n dhe Ukrainën. Një ligjvënës i lartë i ‘Vëllëzërit e Italisë’, Federico Mollicone ka thënë se vendimi për të mbështetur Draghit për  çështjene  luftës në Ukrainë shkatërroi stereotipet për ne, të cilat nuk korrespondojnë me realitetin.

“Ajo është koherente. Ajo nuk është një udhëheqëse e menjëhershme, ajo nuk ndjek trendet e mediave sociale,”-tha Federico Mollicone.

Ashpërsia e Melonit ndaj Rusisë vjen ndërsa rivalët e saj më të mëdhenj në spektrin populist luftojnë për t’u dalluar nga pjesa tjetër e koalicionit të vështirë të Draghit. Gjysma e italianëve janë kundër dërgimit të armëve në Ukrainë, sipas sondazheve.