FIFA ka vendosur që të aplikojë teknologjinë e re gjysmë automatik për të parë pozicionin jashtë loje. Kjo teknologji do të testohet këtë të martë në Kupën Arabe që do të nisë në Katar.
Drejtor i Teknologjisë dhe Inovacionit të Futbollit të FIFA-s, Johannes Holzmuller shpjegoi se do të vendoset një kamerë në kulmin e secilit stadium.
Nga kamera do të nxirren të dhëna që do i dërgohen automatikisht dhomës së VAR, që do të nxjerrë përfundimin e saktë në kohë reale.
Drejtori aktual i arbitrave të FIFA-s, Pierluigi Collina deklaroi se këto teste gjysmë të automatizuara të zbulimit të pozicionit jashtë loje janë “më të rëndësishmet deri më tani”.
Ish-arbitri i njohur italian sqaroi se kjo teknologji ka si objektiv të ndihmojë gjyqtarët dhe se vendimi mbetet në “duart e tyre”.
Ndërsa kjo teknologji e re për pozicion jashtë loje do të testohet për 3 javë në Katar në kampionatin ku do të marrin pjesë 16 ekipe nga bota arabe./K.T/Gijotina.com
Discussion about this post