Në mesnatë ka ndodhur një ngjarje e rëndë në Sarandë. Kavoja e ashensorit u këput dhe i mori jetën ndihmës-kamarierit 17-vjeçar Antonio Delilaj, i cili po merrte disa koli me ujë në bodrumin e diskos.
Stafi ka shkuar me shpejtësi për t’i dhënë ndihmë, por ka qenë e pamundur që ta shpëtonte.
Lokali i njohur i natës ku ndodhi ngjarja “Orange Club” urdhëroi fikjen e muzikës dhe u kërkoi klientëve që të largohen. Policia zbarkoi më pas për të kryer hetimet për ngjarjen e rëndë.
Pronari i biznesit Spiro Iljazi është shpallur në kërkim.
Policia arrestoi shtetasin Lulzim Allkushi i cili ka realizuar montimin e ashensorit.
Viktima i afërm i pronarit, jetonte në fshatin Gjashtë të Sarandës.
Discussion about this post