Sekretariati i Etikes pasi shqyrtoi kërkesën e Grupit Parlamentar te PS, vendosi përjashtimin e deputetit Flamur Noka me 30 ditë, përjashtimin me 20 ditë të deputetit Bledjon Nallbani dhe përjashtimin me 5 ditë të deputetit Saimir Korreshi.
Ky vendim erdhi pas zhvillimeve në seancën e së hënës, ku opozita protestoi sërish, ndërsa Noka tentoi që t’i bllokonte mikrofonin deputetit socialist Vullnet Sina fjalën, duke i vendosur zhurmues.
Edhe dy deputetët e tjerë janë akuzuar për bllokim të punës në Kuvend.
Duhet theksuar se prej muajsh deputetët e opozitës kanë bllokuar punimet në komisione dhe seancat parlamentare pasi, sikurse ata pretendojnë, mazhoranca ka shkelur rënde rregulloren e Kuvendit dhe Kushtetutën, duke i mohuar të drejtat opozitës, ku pika me e rëndësishme mbetet edhe krijimi i komisioneve hetimore parlamentare.
Discussion about this post