Këtë fundjavë Kampioni shqiptar i boksit Florian Marku u ndesh në Wembley Stadium kundër francezit Luiseto, duke e mposhtur këtë të fundit pas tetë raundesh me vendimin unanim të gjyqtarëve dhe duke e mbrojtur titullin IBF.
Menjëherë pas përfundimit të kësaj përballje, Marku ka folur për gazetarin e Sky Sport, ku ka falenderuar të gjithë të pranishmit që ngritën në ‘peshë’ Wembleyn, por edhe duke bërë një premtim të madh për të gjithë mbështetësit e tij:
“Faleminderit të gjithëve që ishit këtu. Ishte një luftë e vështirë, por ai nuk është në nivel timin. Tentova ta nokautoja, por nuk munda. Ishte paksa e vështirë. Të gjithë boksierët britanez, apo nga e gjithë bota, ejani mi sjellni këtu. Jam i gatshëm të përballem me të gjithë.”
“Dua të luftoj në Tiranë, atje është një stadium shumë i bukur. Këtë e dua më së shumti, të luftoj përpara njerëzve të mi. Por ajo që dua më shumë në këto momente, është të shkoj të gruaja ime, ajo është në ditët e fundit të lindjes, dhe shpresoj mos të ketë lindur pa qënë unë aty. JU DUA!,” mbylli Marku
Discussion about this post