Ish-kryeministri Sali Berisha është pritur me tortë e lule në qytetin e Korçës, në prag të nisjes së foltores së radhës. Të pranishmit e kanë uruar për ditëlindjen e 77-të në një sallë të tejmbushur nga mbështetësit e Partisë Demokratike.
Më tej, e gjithë salla u ngrit në këmbë dhe uroi ish-liderin e PD me rastin e 77-vjetorit të lindjes.
Edmond Spaho i bashkohet foltores në Korçë, akuza ndaj Bashës
Në foltoren e ish-kryeministrit Sali Berisha në Korçë, janë bashkuar dhe figura të tjera të Partisë Demokratike, njëri prej tyre është dhe Edmond Spaho, i cili ka dhënë një deklaratë për mediat. Ky i fundit ka vlerësuar foltoren, duke e cilësuar atë një sukses, si dhe një forcë më tej për të rrëzuar Edi Ramën. Ndër të tjera, ai është përgjigjur dhe pyetjes nëse ndihet i frikësuar për ndonjë përjashtim të mundshëm prej Lulzim Bashës, Spaho është shprehur se nuk i trembet këtyre masave, të cilat i krahason me regjimet e diktaturës.
I rikthyer nga Anglia, Stresi i bashkohet foltores
I shpallur në kërkim në vendin tonë, Arkimed Lushaj (Stresi), shihet në foltoren e ish-kryeministrit Sali Berisha në Korçë. Reperi i njohur, ishte zhvendosur në Angli ku po qëndronte gjatë kësaj kohe, pasi u largua në momentet kur policia e shpalli në kërkim.
Këngëtari u shpall në kërkim për trazirat e shkaktuara në protestën kundër vrasjes së Klodian Rashës.
Sot ai u shfaq duke i dhuruar lule, ish-kryeministrit Berisha me rastin e ditëlindjes.
Foltorja e Korçës, Berisha: Do të kandidoj, mirëpres çdo rival
Ish-kryeministri Berisha, ka komentuar nga Korça situatën në të cilën ndodhet Partia Demokratike, duke bërë dhe disa deklarata të drejtpërdrejta ndaj kryetarit aktual të saj. Sipas Berishës, një opozitë e fortë nuk do ta kishte lejuar Ramën të vepronte në mënyrën që ka zgjedhur. Më tej, ka komentuar dhe fenomenin e emigracionit, ku sipas ish kryeministrit, të rinjtë e kanë humbur besimin jo vetëm tek qeveria, por edhe tek PD-ja, ku nuk presin që kjo e fundit t’i japë zgjidhje problemeve të përditshme me të cilat përballen qytetarët. Për kryetarin aktual, Berisha ka pranuar se është vetë fajtor për gjithçka ka ndodhur, madje dhe për veprimet e Lulzim Bashës.
Një temë e diskutuar në foltore ishte dhe ajo për deputetin Agron Shehaj. Sipas ish kryeministrit, Shehaj e meritonte të ishte në Kryesi, kjo për arsye se ai mori 20% të votave të votave të demokratëve, të cilët dëshironin që ai të ishte aty.
Sali Berisha ka pohuar se është i gatshëm dhe më i vendosur se kurrë për të marrë drejtimin e Partisë Demokratike. Ai u shpreh do të rikthehet i hapur për çdo funksion në harkun kushtetues në vendin tonë. Më tej ka pohuar se do të respektojë çdo garë, çdo verdikt dhe do mirëpresë çdo rival me vlerësimin më maksimal.
“U deklarova gazetarëve se tani do të rikthehem i hapur për çdo funksion në harkun kushtetues të këtij vendi. Duke thënë këtë, do të respektoj çdo garë dhe çdo verdikt, do mirëpres çdo rival me vlerësimin më maksimal. Ne, kurrë, rivalët përpara nuk i kemi larguar pse kanë rivalizuar për kryetar apo funksione të tjera. Cili do të jetë pozicioni i Sali Berishës do ta përcaktojë
