Shtatë herë Kampioni i Botës Lewis Hamilton ia ka dalë të trumfojë në Çmimin e Madh të Brazilit duke arritur të parakalojë konkurentin e tij të drejtpërdrejtë për titull Max Verstappen.
Anglezi i Mercedes mes shumë peripecive arriti të triumfojë këtë fundjavë në pistën e ‘Sao Paulo’ në një garë mjaft të luftuar qe në xhiron e parë.
Lufta mes Hamilton-Verstappen kulmoi në mesin e garës, kur në një tentativë nga Hamilton, Verstappen manovron duke i nxjerrë të dy pilotët jashtë piste, por arrijnë të rikthehen në pistë për të vazhduar më tej duelin.
Nga të dyja skuadrat ky veprim u komentua në mënyra të ndryshme, me Mercedes që kërkonte penalitet për Verstappen dhe Red Bull nga ana tjetër që insistonte thjesht për një ‘incident’ gare.
Nga ana e FIA, nuk pati asnjë veprim të ndërmarrë për të dy pilotët, me Hamilton që arrin të triumfojë pas polemikave të ditëve të fundit për ndërhyrjet e paligjshme që u gjetën në njëvendeshen e tij, ku sistemi DRS ishte jashtë parametrave të lejuara.
Podiumi u kompletua nga piloti tjetër i Mercedes, Valteri Bottas që arriti të dhurojë një paraqitje fantastike, duke mos i lejuar konkurentëve të Red Bull të rrembejnë pikë nga kjo garë.
Paraqitje e mirë ishte edhe për ‘kokëkuqet’ e Ferrarit ku të dy pilotët Leclerc dhe Sainz arritën pizicionet pesë dhe gjashtë në këtë garë.
Discussion about this post