Një ditë pasi kreut demokrat, Lulzim Basha u thirr në prokurori për të dëshmuar për dosjen e famshme të “Toyota Yaris”, është publikuar mesazhi i cili njoftoi Bashën se 5 milionë euro para të narkotrafikut ishin nisur nga Belgjika drejt Shqipërisë.
Në media qarkullon një mesazh që daton më 20 janar 2018, i cili informon për futjen e sasisë së lëndës narkotike në vend. Asokohe, Basha nuk dëshmoi në prokurori se nga i erdhi informacioni se në vend do të kishte një ngarkesë me 5 milionë euro të narkotrafikut.
Nisur nga rrethanat, dy janë arsyet se përse ai mesazh ka ardhur në adresën e Bashës: Ose njëri nga grupet kriminale rivale njoftoi opozitën në mënyrë që operacioni i kundërshtarëve të tyre, të behej publik, dhe te kapeshin duke dëmtuar rende rivalet, ose “rrodhi” nga ndonjë agjenci e rregullit të ligjit, ku një zyrtar “dashamirës” opozitës sipas Hoxhës, mos pasur besim te eprorët e tij.
Kjo çështje është bërë si fillim publike nga Basha, i cili akuzoi Taulant Ballën si të përfshirë në marrjen e miliona eurove. Basha tha se në vendin tonë do të vinin 5 milionë euro, por në fakt në Portin e Durrësit u numëruan vetëm 3 milionë e 470 mijë euro. Deklarata e Bashës ndryshoi itinerarin pasi makinat që supozoheshin të niseshin nga porti Ankonës, devijuan rrugën dhe u nisën nga porti i Barit drejt Durrësit.
Balla e fitoi edhe gjyqin ndaj Bashës, i cili u gjobit me 50 mijë lekë gjobë për shpifje, por ky mesazh i publikuar sot nga gazetari Artan Hoxha mund të sjellë një trazim të ujërave. Kujtojmë se, fillimisht për këtë dosje u arrestuan gjashtë persona, por të gjithë u liruan përveç Elvis Vladit dhe shoferit të kamionit Agim Ceka.
Discussion about this post