Personi në foto është gomisti Spas Milloshi që humbi jetën mëngjesin e sotëm në aksin Lezhë-Milot. Ai po frynte gomën e kamionit, kur kjo e fundit i ka plasur në duar duke i marrë jetën.
Ngjarja e rëndë ka ndodhur në vendin e quajtur “Kryqëzimi i Spitenit” pranë një servisi automjetesh në aksin Lezhë-Milot. Policia ka shkuar në vendngjarje për të zbardhur shkaqet e plasjes së gomës.
Njoftimi i Policisë:
Lezhë / Informacion paraprak. Rreth orës 08:30, në një servis automjetesh në afërsi të Kryqëzimit të Spitenit, shtetasit S. M. 53 vjeç, gomist pranë servisit, duke punuar, i ka shpërthyer një gomë automjeti, e për pasojë ka humbur jetën. Grupi hetimor në vendin e ngjarjes vazhdon veprimet hetimore për sqarimin e plotë të rrethanave të ngjarjes.
Discussion about this post