(FOTO) Makinat përplasen “kokë më kokë” në Rrugën e Arbrit, 3 të plagosur

Një aksident rrugor ka ndodhur pasditen e sotme në rrugën e Arbrit në segmentin e bypassit të Qafë Murrizit.

Në aksident janë përfshirë dy makina, ku siç shihet nga fotoja përplasja mes tyre ka qenë e fortë. Policia ndodhet në vendngjarje/ Nga aksidenti kanë mbetur të lënduar 3 persona. ndërsa ambulancat janë nisur drejt vendngjarjes.

Ende nuk dihen shkaqet që kanë çuar në aksidentin, i cili ka bllokuar qarkullimin në këtë aks duke shkaktuar radhë kilometrike.

Njoftimi i Policisë:

Tiranë/Informacion paraprak

Më datë 20.09.2024, në Qafë Murriz, mjeti me drejtuese shtetasen H. H., është përplasur me mjetin me drejtues shtetasin G. Sh.

Si pasojë janë dëmtuar dy drejtuesit e mjeteve dhe shtetasja A. Xh. (pasagjere në automjet me shtetasin G. Sh.), të cilët ndodhen jashtë rrezikut për jetën.

Grupi hetimor po punon për sqarimin e rrethanave të aksidentit.

gijotina.com/