Sot, qytetarët janë mbledhur në protest kundër vaksinimit të detyruar, në sheshin “Nën Tereza”. Ata kanë dalë me pankarta në duar për lirirnë e tyre lidhur me vaksinimin dhe bëjnë thirrje që vaksinat anti- COVID të mos jetë me detyrim.
Sakaq kujtojme se edhe Sindikata e Arsimit të Pavarur në Korçë ka kundërshtuar vaksinimin e detyruar të mësuesve.
Përfaqësues të saj deklaruan se mësuesit nuk duhet të detyrohen për të bërë vaksinën ndërsa kanë ngritur shqetësimin që për arsye shëndetësore, shumica e mësuesve nuk mund të vaksinohen.
Ata kërkojnë që shpenzimet të mbulohen nga shteti.
“70% e mësuesve janë të vaksinuar. Nuk duhet të detyrohen që të vaksinohen. Testet të bëhen falas, shpenzimet për tampon të mbulohen nga shteti. Shumë mësues për arsye shëndetësore nuk mund të vaksinohen.”- shprehen mësuesit.
Një ditë më parë Kryeministri Rama, ministrja e shëndetësisë Ogerta Manastirliu dhe zyrtarë të tjerë të shëndetësisë kanë dalë në deklarata zyrtare se për të qenë pjesë e auditorëve si për studentët dhe pedagogët është domosdoshmëri vaksinimi.
Në Korçë janë rreth 200 mësues që nuk kanë marrë ende dozën e parë. Mbi 100 mësues në Maliq, 56 në Pogradec, e afro 40 në Devoll ndërsa në Kolonjën ku vetëm 15 mësues nuk janë vaksinuar. Pra në vija të përgjithshme rreth 70 % e mësuesve janë vaksinuar kurse 30 % ende janë në dilemë për të kryer vaksinën
