“Natë ferri”, është konsideruar ajo e mbrëmshmja në hotel në Manchester për skuadrën e Atalantës dhe këdo që po qëndron aty.
Ata nuk kanë mundur që të flenë të qetë për shkak të një sirene alarmi të fuqishme që është ndezur plot pesë herë brenda natës, bën me dije bashkëshortja e Malinovsky, Roksana në një ‘Insta-story’.
“Natë ferri në Manchester. Gjithë natën në hotel u ndez një sirenë me fuqi, plot 5 herë. Ndodhi pikërisht vetëm natën! A mendoni se ky ishte një aksident? Jo unë. Nga një pritje kaq “e ngrohtë” nga vendasit, bëhet e tmerrshme në zemër. Shpresoj që tifozët tanë do ta mbështesin ekipin në ndeshjen në Bergamo dhe ndoshta të njëjtën gjë, do të ndodhë papritur edhe në hotelin në Itali”-ka shkruar ajo, duke hedhur kështu akuza të rënda për vendasit.
Kjo ngjarje ka ndodhur para ndeshjes me Manchester United që do të zhvillohet sot në kuadër të raundit të tretë të fazës së grupeve për Champions League.
Skuadra italiane ndodhet në krye të grupit F dhe nga sfida e sotme pritet që të merren tre pikë të tjera, gjë e cila ka për ta munduar shumë Cristiano Ronaldon dhe pjesën tjetër të skuadrës së Solskajer./K.T/Gijotina.com
