Titullari i Kombëtares Berat Gjimshiti ka reaguar për herë të parë për operacionin në krah, që e bëri për shkak të dëmtimit që mori në ndeshjen në transfertë të ‘Kuqezinjve’ kundër Hungarisë.
Përmes një postimi në ‘Instagram’ mbrojtësi i Atalantës, falenderon të gjithë për përkrahjen që ka marrë ditët e fundit.
Teksa ka treguar se operacioni ka shkuar me sukses, 28-vjeçari i ka uruar fitore shokëve të skuadrës dhe ka bërë me dije se ai do e ndjekë këtë ndeshje nga shtëpia.
“Sonte do të bëj tifo nga shtëpia, dhe i uroj shumë fat shokëve të skuadrës”,-shkruan Gjimshiti.
Rikujtojmë se ndeshjen me Hungarinë Shqipëria e fitoi falë golit të Brojas me rezultatin 0-1, ndërsa mbrojtësi u nxor nga fusha me barelë./K.T/Gijotina.com
