Ylli i Manchester City, Jack Grealish ka postuar së fundmi një foto në profilin e tij personal në Instagram si një përgjigje për ‘maninë’ e lojtarëve të Atletico Madrid, për ta kapur atë nga flokët në ndeshjen e çerek-finaleve të UEFA Champions League, e cila i kaloi anglezët në fazën tjetër edhe pse përfundoi në barazimin 0-0.
Rezultati i takimit të parë e lejoi skuadrën e Guardiolës të avancojë në fazën tjetër, pasi u fitua me rezultatin minimal 1-0.
Në të dyja takimet u vu re ‘mania’ e lojtarëve të Atletico Madrid për të kapur nga flokët yllin anglez me vlerë 120m paund, dhe për këtë arsye ai ka postuar këtë foto në rrjetet e tij sociale, ku duket Savic duke e bërë këtë veprim në mënyë të përsëritur.
Këtë postim ai e ka bashkangjitur një emoji, ku paralajmëron se do të presë flokët. Nuk e dimë me siguri nëse ky është një vendim që Grealish e ka marrë për të ndryshuar lukun e tij, apo është thjesht një ngacmim në drejtim të skuadrës së Diego Simeones ku i provokon me faktin se i ‘preu’ atyre ëndrrat për trofeun e Champions League.
Discussion about this post