Sot vajza e modeles së famshme, Gigi Hadid , festoi ditëlindjen e saj të parë. Një ditë e veçantë ka qenë edhe për gjyshen Yolanda Hadid, e cila postoi disa fotografi të mrekullueshme duke e çmendur botën e Instagram –it.
“Gëzuar ditëlindjen e parë engjëllit tonë, Kay,” shkroi Yolanda në mbishkrimin e postimit të saj, duke shtuar: “Fjalët nuk mund të përshkruajnë sa dashuri dhe gëzim keni sjellë në jetën tonë në vetëm një vit. Ju jeni diçka magjike dhe gjithmonë na sjellni një buzëqeshje në buzët tona. Një falënderim i madh për nënën tuaj të jashtëzakonshme, Gigi Hadid dhe babanë tuaj, Zayn Malik, që na dhatë dhuratën më të rëndësishme të jetës sonë, pikërisht ju – shkruan Hadid.
Khai e vogël nuk shfaqet shpesh në mediat sociale, pasi nëna e saj nuk dëshiron ta ekspozojë atë në publik derisa të rritet dhe të fitojë perceptimin e saj për mediat sociale.
Në korrik 2021, në fakt, supermodelja i kishte kërkuar paparacëve, duke u dërguar atyre një letër, për të mos zbuluar fytyrën e vajzës së saj në fotografi. Në të njëjtën kohë, ajo i kishte theksuar shtypit që të mos shfaqte fotografi ku fytyra e saj është e ekspozuar.
