Presidenti francez Emmanuel Macron u ka bërë thirrje qytetarëve të vaksinohen pasi situata pandemike në vend vjen drejt përkeqësimit.Thirrja e Macron vjen në një kohë kur rastet me koronavirus dhe shtrimet në spital janë në rritje.
Por për marrjen e situatës nën kontrollon nuk do të mungojnë as masat përforcuese nga strukturat shtetërore.Doza përforcuese e vaksinës do të bëhet me detyrim duke nisur nga dhjetori për personat që janë mbi 65 vjeç, bëri me dije presidenti Macron.
Ai bëri thirrje për përshpejtimin e vaksinimit me doza përforcuese për të moshuarit dhe ata më të rrezikuarit ndërsa shtoi se doza e tretë do t’u jepet personave të moshës 50 deri në 64 vjeç që nga fillimi i dhjetorit.
Aktualisht në Francë janë 1,951,377 raste aktive me Covid-19, ndërsa që nga nisja e pandemisë janë regjistruar 7,232,157 raste me Covid-19, nga të cilat betejën e kanë humbur 118,023 persona.
Discussion about this post