Në Francë, një grup demonstruesish të cilët po merrnin pjesë në një protestë në Amiens kundër reformës së pensioneve, sulmuan dhunshëm Jean-Baptiste Trogneux, nipin e Brigitte Macron .
Ngjarja ndodhi mbrëmjen e së hënës, në fund të një interviste me presidentin francez të transmetuar në TF1. Kjo mësohet nga burime në polici dhe në familjen e zonjës së parë. Pas ngjarjeve, tetë persona u arrestuan në Amiens, vendlindja e Emmanuel dhe Brigitte Macron.
Jean-Baptiste Trogneux është pronari i fabrikës së çokollatës Trogneux. Ai u sulmua nga një grup që mori pjesë në një protestë në qendër të Amiens, pas intervistës nga Emmanuel Macron në TF1. Sulmuesit e goditën në kokë, krahë dhe këmbë, duke fyer presidentin Macron dhe bashkëshorten e tij.
“Me këtë agresion, kemi kaluar kufirin, kam frikë” – u shpreh babai i Jean-Baptiste Trogneux. Trogneux ka mohuar se ka “ndonjë lidhje financiare” midis fabrikës së çokollatës Trogneux dhe çiftit presidencial. Gjithsesi, objektet e kësaj marke janë shënjestruar rregullisht në protesta, që nga ardhja e kreut të shtetit në pushtet.
Discussion about this post