Gazetari Ferdinand Dervishi tha se në Policinë e Shtetit frika nga përgjimet është shumë e madhe.
Në një intervistë për Euronews Albania, Dervishi tha se nga frika e madhe e përgjimeve disa funksionarë policie të nivelit shefa krimesh e lartë kanë ikur jashtë shtetit të justifikuar se kanë sëmundje të pashërueshme.
Sipas tij bëhet fjalë për një numër të madh personash.
Gazetari u shpreh se ata që kanë pasur mundësinë t’i shikojnë këto dosje flasin për implikim të nivelit të lartë në Policinë e Shtetit.
“Frika për këtë historinë e përgjimeve është shumë e madhe. Aq e madhe saqë disa funksionarë policie të nivelit shefa krimesh e lartë kanë ikur jashtë shtetit të justifikuar se kanë sëmundje të pashërueshme. Ky nuk është numër një e dy, po është numër shumë i madh.
Kanë ikur jashtë shtetit duke u justifikuar se po kurojnë sëmundje të pashërueshme, kanë marrë raporte të gjata dhe ky është ai impakti i madh. Ata që kanë pasur mundësinë t’i shikojnë këto dosje flasin për implikim të nivelit të lartë në Policinë e Shtetit”, tha Dervishi.
Discussion about this post