Frikë në Rinas, konstatohet një pako e dyshimtë në zonën Kargo

Duket se dikush ka gjetur kohën, “për të bërë humor të zi” në Aeroportin Ndërkombëtar “Nënë Tereza” në Rinas. Policia ka gjetur një pako të dyshimtë, falë skanimit të mallrave në zonën Kargo.

Menjëherë pasi është marrë njoftimi, janë kryer të gjitha veprimet procedurale për sigurinë e aeroportit.

NJOFTIMI

Rinas/Informacion paraprak

Shërbimet e Komisariatit të Policisë Rinas janë njoftuar se gjatë skanimit të disa pakove në ambientet e godinës së Kargos, është konstatuar një pako e dyshimtë.

Menjëherë pas njoftimit, janë kryer të gjitha veprimet procedurale për sigurinë e shtetasve që ndodheshin në këto ambiente apo pranë tyre.

Nga veprimet e shpejta ekzaminuese, të kryera nga Njësia Antieksploziv e Repartit Special RENEA, në bashkëpunim me shërbimet e Komisariatit të Policisë Kufitare Rinas, Forcat e Ndërhyrjes së Shpejtë dhe ato të Drejtorisë së Antiterrorit, rezultoi se pakoja nuk kishte probleme.

Grupi hetimor vijon veprimet verifikuese, me qëllim dokumentimin e plotë ligjor të këtij rasti.