Demokratët duket se kanë vendosur që të mbrojnë me trup ish-kryeministrin Sali Berisha teksa futet për të mbajtur “Foltoren” e Tropojës. Truprojat por edhe miqtë e tij të afërt janë mbledhur duke u kapur dorë më dorë për të krijuar një tunel ku kaloi Berisha.
Ndërkohë që lideri historik i Partisë Demokratike futej në sallë, në sfond dëgjohet qartë lodra por edhe fishekzjarrët që hidheshin për të. Mesa duket tropojanët kanë shkelur edhe ligjin për të nderuar ish-kryeministrin, pasi mjetet piroteknike janë të ndaluara prej disa vitesh.
Berisha i cili rikthehet pas shume vitesh ne vendlindje në Tropojë, nuk ka neglizhuar masat e sigurisë, pasi është akuzuar nga familja e Fatmir Haklajt se ka gisht në vrasjen e 4 vëllezërve. Pikërisht në qytetin e Bajram Currit e ka zanafillën përplasja e Berishës me familjen e Haklajve, teksa në mitingun e qershorit 1997 pati një përplasje me njërin nga vëllezërit, Shkëlqim Haklajn, për të cilin Berisha është dëgjuar duke thënë “merreni e ma sillni në Tiranë, urgjent”. Acarimi i Berishës erdhi për shkak se Haklaj kundërshtoi deklaratat e Berishës dhe ish presidenti e akuzoi për prishje të mitingut elektoral.
Discussion about this post