Disa lojtarë të Milanit ndodhen në vitin e fundit të kontratë. Hakan Calhanoglu është njëri prej tyre. Rinovimi me fantazistin turk po vonon, teksa Juventusi po monitoron situatën.
Oferta ekonomike e kuqezinjve nuk gëzon agjentin e Calhanoglu dhe klubi italian mund ta humbasë lojtarin ofensiv me parametra zero në fund të sezonit.
Ndërkohë, 27-vjeçari ka marrë një propozim tundues nga Katari. Al Duhail i ofron një kontratë deri në vitin 2024. Rroga? Mbi 10 milion euro në sezon (te Milani përfiton 2.5 milion euro në sezon).
Klubi arab ka gati 32 milion euro për Calhanoglu, i cili është tunduar nga oferta dhe po mendohet, pavarësisht se dëshiron të mos largohet nga futbolli evropian.
