Ish-futbollisti argjentinas i Barcelonës, Javier Mascherano ka përfunduar në skandalin e fshehjes së parave. Sipas informacioneve të cilat bëhen publike nga “Pandora Papers”, duket se dhe një numër i madh futbollistësh e trajnerësh kanë fshehur të ardhurat e tyre.
Sipas spanjolles “El Pais”, raportohet se ish mesfushori i Barcelonës ka përdorur dy kompani “offshore”, për t’iu shmangur detyrimeve në Spanjë. Sipas asaj çka citohet, bëhet fjalë për periudhën 2013-2016, kohë kur Mascherano ishte pjesë e blaugranëve.
Nuk është hera e parë që një personazh i sportit akuzohet për shmangien e detyrimeve, pasi kohë më parë janë publikuar dhe emrat e Ancelotit, Guardiolës, teksa së fundmi qarkullon dhe emri i Mauricio Pocchetino.
