Një anije është fundosur në brigjet e Madagaskarit gjatë fundjavës. Mediat e huaja raportojnë se të paktën 22 emigrantë humbën jetën.
“Dyzet e shtatë persona kishin marrë në mënyrë klandestine një varkë të drejtuar në (territorin francez të) Mayotte, por ajo varkë u mbyt. Njëzet e tre nga pasagjerët mundën të shpëtoheshin. U gjetën 22 trupa,”, tha në një deklaratë autoriteti detar i Madagaskarit.
Operacionet e kërkim-shpëtimit po vazhdojnë për dy personat që mbetën të zhdukur. Shumë migrantë përpiqen çdo vit të arrijnë në Mayotte që shtrihet në veri të Madagaskarit në Oqeanin Indian. Në vitin 2021, më shumë se 6,500 u arrestuan duke u përpjekur të hynin në territor në mënyrë klandestine, sipas autoriteteve franceze. Nuk ka statistika të qëndrueshme se sa njerëz kanë humbur jetën në përpjekje për kalime të tilla. Një raport i Senatit francez, i botuar në fillim të viteve 2000, vlerësoi se, në atë kohë, rreth 1000 vdisnin çdo vit.
Discussion about this post