Pësuan arrest kardiak sapo hynë në det, dy të vdekur në Durrës dhe Velipojë

Dy persona kanë humbur jetën ditën e sotme si pasojë e arrestit kardiak, në plazhin e Durrësit dhe Velipojës.

Një 73-vjeçar ka humbur jetën në Durrës pasi është futur në det për tu larë. Dyshohet se i moshuari ka pësuar atak kardiak.

“Rreth orës 13:00, në lagjen nr. 13 Durrës, shtetasi M.D., 73 vjeç, banues në lagjen nr.13 Durrës, dyshohet se sapo ka rënë kontakt me ujin në det, ka pësuar arrest kardiak dhe si pasojë ka humbur jetën”, njoftoi policia.

Grupi hetimor vijon punën për sqarimin e plotë të rrethanave dhe shkakut të mbytjes, shtuan të njëjtat burime.

Gjithashtu rreth orës 13:00, edhe një shtetas kosovar M. S., 75 vjeç, duke u larë në det në Velipojë, dyshohet se ka pësuar arrest kardiak dhe si pasojë ka humbur jetën.